naamariyuka

നാമോര്‍ക്കുക 

നമുക്ക് ധ്യാനിക്കാനിനി 

വനങ്ങളില്ല 

ഗുഹകളില്ല

വൃക്ഷങ്ങളുമില്ല

നമുക്ക് ധ്യാനിക്കാന്‍ 

ചുറ്റും ആര്‍ത്തിരമ്പി 

തിരക്കി പായുന്ന 

ഈ നവ സമൂഹത്തിനിടയിലല്ലാതെ 

മറ്റൊരിടവുമില്ലെന്നു  അറിയുക നാം    

neeyidakkide

നീ എന്നുമെന്നില്‍ ഒരു വസന്തമായിരിക്കട്ടെ 

ഇടയ്ക്കിടെ എന്‍ മിഴികളില്‍ നിന് പൊഴിയും വര്‍ഷവും 

sneham

സ്നേഹമെന്നാല്‍ പ്രതീക്ഷിച്ചത് നല്കലല്ല

നല്‍കുമെന്ന് പ്രതീക്ഷിക്കലുമല്ല 

സ്നേഹമെന്നാല്‍ പ്രതീക്ഷിക്കാത്തതിനെ

സ്വീകരിക്കലാണ് 

പ്രതീക്ഷ നഷ്ട്ടപെടുമ്പോള്‍ 

അത് നല്‍കലാണ് 

നല്ലതിന് വേണ്ടി

പ്രാര്തിക്കലാണ്     

vedana viriyikkunathu

വേദന കൊണ്ട് നീ എഴുതി തുടങ്ങുക 

നിന്‍റെ ഹൃദയത്തില്‍ നിന്നുമത് 

പൊട്ടി മുളച്ചു വിടര്‍ന്നു  സുഗന്ധം പരത്തട്ടെ 

ആകാശത്തിന്‍റെ ഹൃദയമായ ഈ  ഭൂമിയില്‍ 

വാനം കണ്ണീരു കൊണ്ട് 

പൂക്കള്‍ വിരിയിക്കുന്നത് കണ്ടിട്ടില്ലേ   

pranayamenaal

കത്തുന്നയീ കൊടും വേനലിലും 

ഉള്ളില്‍ കുളിര്‍ പകരുന്നതെന്തോ 

അതാണ്‌ പ്രണയം 

കൂരിരുള്‍ മൂടിയ രാത്രികളിലും 

കല്‍ബില്‍ പ്രകാശം നിറക്കുന്നതെന്തോ 

അതാണ്‌ പ്രണയം 

ആഞ്ഞു വീശുന്ന കൊടുംകാറ്റിലും 

മനസ്സിനെയുലക്കാത്ത ശക്തി പകരുന്നതെന്തോ 

അതാണ്‌ പ്രണയം 

നീ , 

നീ തന്നെയാണ് 

പ്രിയേ 

അത് നീ തന്നെയാണ്     

vishwaasiyenaal

നീയെന്നെ പ്രണയിക്കുക 

നീയെനിക്ക് വേണ്ടി പ്രാര്‍ഥിക്കുക 

അങ്ങിനെ നാം രണ്ടു യദാര്‍ത്ഥ 

ദൈവ വിശ്വാസികള്‍ ആവട്ടെ   

ennullil nee nirayunathu

ഞാന്‍ നിന്നെ പ്രണയിക്കുന്നുവെന്നാല്‍ 

നീയെന്നോര്‍മകളിലെപ്പോഴും  ജീവിക്കുന്നുവെന്നര്‍ത്ഥം 

ഞാന്‍ പ്രണയിക്കുന്നുവെന്നാല്‍  

ഞാന്‍ നിന്‍റെ ഉപാസകനെന്നര്‍ത്ഥം 

നിന്നെ ഉപാസിക്കുന്നുവെന്നാല്‍ 

നിനക്ക് വേണ്ടി ഞാനവനോട് 

പ്രാര്തിക്കുന്നുവെന്നര്‍ത്ഥം 

ഞാന്‍ പ്രണയിക്കുന്നുവെന്നാല്‍

ഞാന്‍ ഒരു യദാര്‍ത്ഥ ദൈവ വിശ്വാസിയെന്നര്‍ത്ഥം 

arivu

പ്രാര്‍ത്ഥന  പ്രണയത്തിന്‍റെ ആത്മാവാണ്

പ്രണയം ജീവിതത്തിന്‍റെ ആത്മാവാണ്

ജീവിതം അന്വേഷണത്തിന്‍റെ ആത്മാവാണ് 

അന്വേഷണം അറിവിന്‍റെയും

അറിവ് നീയാണ് 

നീയെന്നാല്‍ അത് ഞാന്‍  തന്നെയാണ് 

അറിവെന്നാല്‍  അത് എന്നെ കുറിച്ചുള്ള അറിവ് തന്നെയാണ്   

pathu pranayangal

1. ആദ്യ പ്രണയം ശരീരത്തിന്  

ജനിക്കുമ്പോള്‍ ശ്വാസത്തിനോട് 

2. അടുത്തത് കൂട്ടുകാരിയോട് 

കളിക്കൂട്ടിനു 

3. പിന്നെ അടുക്കാന്‍ കൊതിപ്പിക്കുന്ന 

ഒരാകര്‍ഷണം

4. പിന്നെ നീ തന്നെ ലോകം 

എന്നെന്നോട് മനസിന്‍റെ മന്ത്രണം

5. ശേഷം വിരഹമെന്ന 

പ്രണയത്തിന്‍റെ തുടക്കം 

6. പിന്നെ പ്രതീക്ഷയുടെ 

അന്വേഷണം  

7. നീ ഞാന്‍  തന്നെയെന്ന 

തിരിച്ചറിവ് 

8. ആത്മാവിനെ കണ്ടെത്തല്‍ 

9. ശരീരത്തിന്‍റെ ഉപയോഗമാത്മാവിലൂടെ  

10.പ്രണയമെന്നാല്‍ പ്രാര്‍ത്ഥന മാത്രം 

  

  

bhaasha

ഭാഷയതോന്നെയുള്ളൂ  

അത് പ്രാര്‍ഥനാ പൂര്‍ണമായ 

മൌനമാണ്

കാരണമാ  

മൌനത്തിന്‍റെ ആത്മാവ്

പ്രണയമാണ് 

പ്രണയം 

ജീവിതത്തിന്‍റെ

പ്രചോദനവുമാണ്   

dooram

കരയില്‍  നിന്നു കടലിലെക്കെത്ര ദൂരമുണ്ടോ 

അത്ര ദൂരമേ ഹൃദയത്തില്‍ നിന്നു സ്നേഹത്തിലെക്കൊള്ളൂ