പ്രണയം

വരണ്ടുണങ്ങിയ മനസ്സിലും 

സ്വപ്നങ്ങളുടെ പുതു പൂക്കള്‍ 

മുളപ്പിക്കുന്നതെന്തോ അത് 

പ്രണയമാണ് 

ശൂന്യമായൊരു ഹൃദയത്തെ 

നറും പൂക്കളുടെ തേന്‍ കൊണ്ട് 

നിറക്കുന്നതെന്തോ അത്

പ്രണയമാണ്

നിന്നോര്‍മകളെ

പ്രാര്‍ഥനകള്‍ ആക്കി 

മാറ്റുന്നതെന്തോ 

അതത്രേ  പ്രണയം

എങ്ങനെയാണ് ..................

എങ്ങനെയാണ് ..................

കണ്ടുമുട്ടിയൊരാ

നിമിഷം കൊണ്ടെന്‍റെ 

ജീവിതത്തിലെ മുഴുവന്‍ 

നിമിഷങ്ങളും നീ 

സ്വന്തമാക്കിയത് 

എങ്ങിനെയാണ് ..........................

പിന്നീടെന്‍റെ 

ഓരോ നിമിഷത്തെയും 

നിന്‍റെ നാമമാക്കി 

നീയെന്നില്‍ പ്രതിഷ്ട്ടിച്ചത് 

എങ്ങിനെയാണ് ......................... 

ഞാന്‍ എന്ന ചിന്തയെ 

നീയെന്ന ചിന്ത 

മാത്രമാക്കി എന്നില്‍ 

നീ മാറ്റിയത് 

എങ്ങിനെയാണ് ...............................

നീ നിന്നിലൂടെ 

എന്നിലേക്കുള്ള വഴിയായി

മാറിയത് 

എങ്ങിനെയാണ് ................................

അര്‍ത്ഥമുള്ള വാക്കുകള്‍ എല്ലാം  

മൌനമാണെന്നു നീയെന്നെ 

ബോധ്യപ്പെടുത്തിയത് 

എങ്ങിനെയാണ് ...............................

ശ്വാസം കൊണ്ട് 

നമുക്ക് സഞ്ജരിക്കാനാവുമെന്നും  

പരസ്പരം പുണരാന്‍ ആവുമെന്നും  എനിക്ക്  

നീ മനസ്സിലാക്കി തന്നത് 

എങ്ങിനെയാണ് ....................................

നഷ്ട്ടപ്പെടല്‍ 

ഒരു വലിയ 

നേട്ടമാണെന്ന് 

നിന്റെയൊരു മാത്ര പോലും നീളാത്ത 

വേര്‍പാടുകള്‍ കൊണ്ട്

നീയെന്നില്‍ അടയാളപ്പെടുത്തിയത്    

ormakalude peythu

ഇവിടെ മഴ പെയ്യുകയാണ് 

നിന്നെ ഞാന്‍ ആദ്യം കണ്ട നിമിഷത്തിന്റെ ഓര്‍മയായി 

നിന്നോടൊത്തു ചിലവഴിച്ച 

നിമിഷങ്ങളുടെ ഓര്‍മയായി 

നീ പിരിഞ്ഞ നിമിഷത്തിന്റെ 

തോരാത്ത മിഴിനീരോര്‍മയായി 

പ്രിയേ  

ഇവിടെ ഇപ്പോള്‍ 

മഴ പെയ്തു കൊണ്ടിരിക്കയാണ്